ҚР АШМ АӨК мемлекеттік инспекция комитетінің өкілдері Қырғыз Республикасының Су ресурстары, ауыл шаруашылығы және қайта өңдеу өнеркәсібі министрлігінің химияландыру, өсімдіктерді қорғау және карантин департаменті ұйымдастырған Шанхай ынтымақтастық ұйымына (ШЫҰ) мүше мемлекеттердің фитосанитариялық ведомстволарының уәкілетті өкілдерінің дайындық бейнеконференциясына қатысты. Конференция барысында қатысушылар 2026 жылғы сәуір айында өткізу жоспарланып отырған ШЫҰ-ға мүше мемлекеттердің фитосанитариялық ведомстволары басшыларының кеңесін дайындауға қатысты негізгі ұйымдастырушылық және мазмұндық мәселелерді талқылады. Атап айтқанда, күн тәртібінің жобасы, негізгі кеңесті өткізу форматы мен регламенті, баяндамалардың тақырыптары және қорытынды құжаттардың жобалары қаралды. Сондай-ақ фитосанитариялық саладағы ынтымақтастықты дамыту, сауда байланыстарын нығайту және ШЫҰ-ға мүше мемлекеттердің келісілген фитосанитариялық саясатын қалыптастыру мәселелеріне ерекше назар аударылды. Кездесу қорытындысы бойынша ШЫҰ-2026 негізгі кеңесін дайындау бойынша алдағы […]

Қазақстан Республикасы Ауыл шаруашылығы вице-министрі Е. Кенжеханұлының төрағалығымен фитосанитариялық қауіпсіздікті қамтамасыз ету және фитосанитариялық қатерлердің алдын алу мәселелері бойынша кеңес өтті. Іс-шараға Агроөнеркәсіптік кешендегі мемлекеттік инспекция комитетінің, аумақтық инспекциялардың, сондай-ақ ведомстволық бағынысты ұйымдардың өкілдері қатысты. Кеңес барысында фитосанитариялық қауіпсіздікті қамтамасыз ету саласындағы 2025 жылғы жұмыстың қорытындылары шығарылып, қол жеткізілген негізгі нәтижелер талқыланды. Сонымен қатар, 2026 жылға арналған басым міндеттер мен жоспарлар айқындалды. Фитосанитариялық қатерлердің алдын алу және оларды азайту, мемлекеттік бақылаудың тиімділігін арттыру, сондай-ақ ведомствоаралық өзара іс-қимылды жетілдіру мәселелеріне ерекше назар аударылды. Кеңес қорытындысы бойынша вице-министр фитосанитариялық қауіпсіздік шараларын күшейтуге, аумақтық бөлімшелердің жауапкершілігін арттыруға және елдің агроөнеркәсіптік кешенін тұрақты қорғауды қамтамасыз етуге бағытталған нақты тапсырмалар берді.

Агроөнеркәсіптік кешендегі мемлекеттік инспекция комитетінің өкілдері осы салада қазақстандық өнімдердің жекелеген түрлері бойынша экспортты ілгерілету жөніндегі Штаб отырысына қатысты. Онда отандық өнімнің экспортын арттыруға және жеткізу бағыттарын кеңейтуге ықпал ететін негізгі мәселелер, жүк тасымалын ұйымдастыруға қатысты сұрақтар, оның ішінде тарифтік саясат, өнімді жөнелту және логистикалық аспектілерге баса назар аударылды.Экспорттаушылардың шығындарын өтеу тетіктеріне, қабылдаушы елдердегі рұқсат беру жүйесінің ерекшеліктеріне, сондай-ақ өнімді Қытай Халық Республикасына жеткізу кезіндегі мемлекеттік реттеу мәселелеріне де көңіл бөлінді. Отырысқа қатысушылар өзекті проблемалық сұрақтар жөнінде пікір алмасып, оларды шешудің ықтимал жолдарын ортаға салды. Диалог барысында қазақстандық агроөнеркәсіптік өнімнің экспорттық әлеуетін арттыруға және оның сыртқы нарықтардағы бәсекеге қабілеттілігін күшейтуге бағытталған алдағы іс-қимылдар келісілді. Отырыс қорытындысы бойынша ведомствоаралық өзара әріптестікті […]

Комитеттің Әдеп жөніндегі уәкілі А. Махашев Комитет пен аумақтық инспекциялардың қызметкерлеріне Zoom платформасында онлайн семинар өткізді. Кездесудің тақырыбы «Сыйлықтарды өтеусіз беру жөніндегі жадынама» болды. Семинар барысында сыбайлас жемқорлыққа қарсы заңнаманың нормалары мен мемлекеттік қызметтің әдеп стандарттары, сондай-ақ қызметтік міндеттерін атқаруына байланысты сыйлықтар алынған жағдайда мемлекеттік қызметшілердің іс-қимыл тәртібі түсіндірілді. Мүдделер қақтығысының алдын алуға, адалдық қағидаттарын сақтауға және әрбір қызметкердің жеке жауапкершілігіне ерекше назар аударылды. Қатысушыларға заңнама талаптарын қатаң сақтау және мемлекеттік орган үшін беделдік тәуекелдерге әкеп соғуы мүмкін әрекеттерге жол бермеу қажеттігі еске салынды. Кездесу соңында қатысушылар өздерін қызықтырған сұрақтарға жауап алып, жадынама ережелерін қызметтік қызметте қолдану бойынша практикалық түсіндірмелер алды. Мұндай түсіндіру іс-шараларын өткізу мемлекеттік қызмет жүйесінде сыбайлас жемқорлыққа […]

Астана қаласының халықаралық әуежайындағы фитосанитариялық бақылау бекетінде карантиндік фитосанитариялық бақылау және қадағалау жүргізу барысында ұлттық заңнама талаптарын бұза отырып, карантинге жатқызылатын өнімді әкелу фактісін анықталды. Бақылау барысында Корея Республикасынан әкелінген, шығу тегі Үндістандық қызанақ тұқымдарының партиясы анықталды. Фитосанитариялық іс-шаралар нәтижесінде аталған өнімнің карантиндік нысан — қызанақ жемістерінің қоңыр әжімділік вирусымен (Tomato brown rugose fruit virus) залалданғаны белгілі болды. Аталған вирус ауыл шаруашылығы өндірісіне, әсіресе көкөніс шаруашылығына елеулі зиян келтіруі мүмкін аса қауіпті карантиндік нысандар қатарына жатады және елдің фитосанитариялық қауіпсіздігіне айтарлықтай қатер төндіреді. Карантинге жатқызылатын өнімнің иесіне қатысты әкімшілік іс қозғалды. Іс материалдары процессуалдық шешім қабылдау үшін сотқа жолданды. Қазақстан Республикасы Ауыл шаруашылығы министрлігі сыртқы экономикалық қызметке қатысушыларға карантинге жатқызылатын […]

Агроөнеркәсіптік кешендегі мемлекеттік инспекция комитеті төрағасының орынбасары Мұрат Іргебаев Қытай Халық Республикасының Елшілігі өкілдерімен кездесу өткізді. Кездесу барысында Қазақстанның ауыл шаруашылығы өнімдерін ҚХР нарығына экспорттау мәселелері, соның ішінде фитосанитариялық талаптарды сақтау және қолдану тетіктері талқыланды. Қазақстан тарапы Қытай Халық Республикасының Бас кеден басқармасының инспекциялық қызметін жандандырудың маңыздылығын атап өтті. Бұл Қытайға экспорттауға рұқсат етілген өңірлер мен ауыл шаруашылығы өнімдері түрлерінің тізбесін кеңейтуге мүмкіндік береді. Экспорттық мүмкіндіктердің кеңеюі жеткізілім көлемін арттырып, екі ел арасындағы сауда-экономикалық ынтымақтастықты нығайтуға ықпал ететіні айтылды. Отандық компаниялардың өкілдері мен уәкілетті мемлекеттік органдар қолданыстағы рәсімдер аясында инспекцияларды өткізуге және барлық қажетті ақпаратты ұсынуға дайын екендіктерін растады. Кездесу қорытындысы бойынша тараптар өзара түсіністік пен іскерлік ықпалдастықты жалғастыруға мүдделілік […]

Қазақстан Республикасы Ауыл шаруашылығы министрлігі агроөнеркәсіптік кешендегі мемлекеттік инспекция комитеті Реттегіш құралдардың және (немесе) талаптардың реттеушілік әсеріне талдау жүргізу және пайдалану қағидаларының (ҚР ҰЭМ 2015 жылғы 30 қарашадағы № 748 бұйрығымен бекітілген) Астана қаласы уақыты (3 жұмыс күні ішінде) 2026 жылғы «5» қаңтардан сағат 9.00-ден «8» қаңтар сағат 18:30-ға дейін жоспарланған ашық нормативтік құқықтық актілердің интернет-порталында, сондай-ақ зум-конференция арқылы «карантиндік фитосанитариялық сараптаманы ақылы негізде жүргізу» бойынша қоғамдық талқылаулар өткізу жоспарлануда екенін хабарлайды. Қоғамдық талқылауға зум-конференция арқылы қатысқысы келетіндерге өз кандидатураларын электрондық мекенжайына жолдауды сұраймыз: aubakirov.r@minagri.gov.kz, байланыс телефондары: +7 (7172) 555-961.

Ауыл шаруашылығы саласы – елдің азық-түлік қауіпсіздігін қамтамасыз ететін, өңірлерді дамытатын және мемлекеттің тұрақты экономикалық өсуіне ықпал ететін негізгі секторлардың бірі.Агроөнеркәсіптік кешеннің тиімділігі басқару процестерінің ашықтығы мен адалдығына тікелей байланысты. Сондықтан саладағы сыбайлас жемқорлыққа қарсы іс-қимыл – құқықтық қана емес, жүйелі және кешенді шешімдерді талап ететін стратегиялық міндет. Превентивтілік қағидаты: алдын алу – басты басымдықСыбайлас жемқорлықтың салдарымен күрескеннен, оның алдын алған әлдеқайда тиімді. Осы бағытта Комитет жемқорлық көріністеріне жағдай туғызатын факторларды жоюға бағытталған алдын алу шараларын кезең-кезеңімен енгізуде. Негізгі тәсілдер: рұқсат беру құжаттарын рәсімдеу, қорытынды беру және мемлекеттік қызметтерді көрсету рәсімдерін барынша цифрландыру; фитосанитариялық бақылаумен байланысты тәуекелі жоғары процестерді міндетті түрде автоматтандыру; адам факторын барынша азайтуға бағытталған ашық және айқын […]

Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті Реттегіш құралдардың және (немесе) талаптардың реттеушілік әсеріне талдау жүргізу және пайдалану қағидаларының (ҚР ҰЭМ 2015 жылғы 30 қарашадағы № 748 бұйрығымен бекітілген) 20-тармағының негізінде Астана қаласы уақыты (3 жұмыс күні ішінде) 2026 жылғы «15» қаңтардан сағат 9.00-ден «19» қаңтар  сағат 18:30-ға дейін жоспарланған ашық нормативтік құқықтық актілердің интернет-порталында, сондай-ақ зум-конференция арқылы «Қазақстан Республикасы аумағында карантинге жатқызылған өнімді тасымалдау кезінде карантиндік сертификатты міндетті түрде рәсімдеуді енгізу» бойынша қоғамдық талқылаулар өткізу жоспарлануда екенін хабарлайды. Қоғамдық талқылауға зум-конференция арқылы қатысқысы келетіндерге өз кандидатураларын электрондық мекенжайына жолдауды сұраймыз: tlessova.a@minagri.gov.kz, байланыс телефондары: +7 (7172) 555-941, 87714418324.

Біріккен Ұлттар Ұйымының Азық-түлік және ауыл шаруашылығы ұйымы (ФАО) ұйымдастырған халықаралық кезщесуде пестицидтердің адам денсаулығына әсері және химиялық улануларға ден қоюдың ұлттық жүйелерін нығайту мәселелері талқыланды. Іс-шараға Әзербайжан, Қазақстан, Қырғызстан, Тәжікстан, Түркия, Венгрия, Швейцария және Өзбекстан өкілдері қатысты. Олар пестицидтерді қолданумен байланысты тәуекелдерді азайтудың заманауи тәсілдерін талқылап, ведомствоаралық өзара іс-қимыл мен токсикологиялық көмекті дамыту тәжірибесімен алмасты. Агроөнеркәсіптік кешен саласындағы мемлекеттік инспекция комитеті төрағасының орынбасары Мұрат Иргибаев Орталық Азия елдеріндегі алғашқылардың бірі саналатын токсикоақпараттық орталықты құру және дамыту тәжірибесін таныстырды. Аталған орталық Шымкент және Қарағанды қалаларында химиялық уланулар кезінде халыққа көмек көрсететін осындай бөлімшелердің ашылуына серпін берді. Орталықтардың жұмысы халықаралық TOXBASE ақпараттық базасын пайдалану арқылы жүзеге асырылады, бұл жедел әрі сапалы […]