Қазақстан Республикасы Ауыл шаруашылығы министрлігінің делегациясы Ресей Федерациясының Алтай өлкесінде өткен «Бүкілресейлік егіс күні – 2026» халықаралық агроөнеркәсіптік көрмесіне қатысты. Іс-шара Қазақстан, Беларусь, Қырғызстан және Ресейдің мемлекеттік органдарының, ғылыми қауымдастықтың, бизнес өкілдерінің және ауыл шаруашылығы техникасын өндірушілердің басын қосты. Қатысушылар агроөнеркәсіптік кешенді одан әрі дамыту бағыттарын, заманауи технологияларды енгізу және халықаралық ынтымақтастықты нығайту мәселелерін талқылады. Іскерлік бағдарламаның негізгі іс-шарасы «ЕАЭО-дағы кооперация – өсімдік шаруашылығын дамытудың қосымша құралы» тақырыбындағы дөңгелек үстел болды. ҚР Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің төрағасы Сәкен Қаныбеков Қазақстандағы саланың даму нәтижелерін таныстырып, соңғы екі жылда еліміздің айтарлықтай нәтижелерге қол жеткізгенін атап өтті. Оның айтуынша, дәнді дақылдардың түсімі 26 млн тонна деңгейінде сақталып отыр, ал […]

уыл шаруашылығы министрі Айдарбек Сапаровтың төрағалығымен кеңес өтіп, фитосанитариялық қауіпсіздікті күшейту және фитосанитариялық бақылау жүйесін жетілдіру мәселелеріне айрықша назар аударылды. Кеңесте ел өңірлері арасында аса қауіпті зиянды организмдердің, өсімдік аурулары мен карантиндік арамшөптердің таралуына жол бермеуге баса көңіл бөлінді. АӨК-дегі мемлекеттік инспекция комитетінің төрағасы Сәкен Қаныбеков еліміз көлемінде карантинге жатқызылған өнімдерді тасымалдау кезінде карантиндік сертификатты міндетті түрде енгізу бағытындағы жоспарлы жұмыстар туралы баяндады. Бұл ауыл шаруашылығы өнімдерінің қозғалысын толық қадағалауды қамтамасыз етумен қатар, карантиндік ошақтардың пайда болу қаупін төмендетуге жол ашады. Сондай-ақ халықаралық тасымалдар кезінде электрондық фитосанитариялық сертификатты енгізу, сондай-ақ «БАБЖ» ақпараттық жүйесі арқылы карантиндік зертханалардың жұмысын автоматтандыру жоспарланып отыр. «Деректермен жедел алмасуды қамтамасыз ету үшін фитосанитариялық бақылау бекеттері интернет […]

Заң бұзушылық ҚР АШМ АӨК МИК аумақтық инспекциясының мемлекеттік фитосанитариялық инспекторлары жүргізген фитосанитариялық бақылау барысында анықталды. Тексеру кезінде сәндік өсімдіктердің Ресей Федерациясынан экспорттаушы елдің өсімдіктер карантині және оларды қорғау жөніндегі ұлттық ұйымы беруге тиіс міндетті фитосанитариялық сертификатсыз әкелінгені анықталды. Осы дерек бойынша заңды тұлғаға қатысты өсімдіктер карантині саласындағы заңнаманы бұзғаны үшін әкімшілік іс қозғалды. Фитосанитариялық қауіпсіздік талаптарына сәйкес жүк иесіне анықталған заң бұзушылықтарды жою туралы нұсқама берілді. Өз кезегінде өнім иесі ұсталған өнімді өртеу арқылы жою туралы шешім қабылдады. Комитет Қазақстан Республикасының аумағына карантинге жатқызылған өнімді тек экспорттаушы ел берген фитосанитариялық сертификаты болған жағдайда ғана әкелуге рұқсат етілетінін еске салады. Бұл талаптарды сақтау ауыл шаруашылығына және қоршаған ортаға зиян келтіруі […]

Өңірлерде шегіртке зиянкестеріне қарсы химиялық өңдеу жұмыстары жалғасуда. 9-шілдедегі жағдай бойынша болжанған 2,2 млн гектар алқаптың 1,7 млн гектары немесе 76,2%-ы өңделді. Егіс алқаптарын қорғау жұмыстары жоспарға сәйкес жүргізілуде. Барлық қажетті іс-шаралар уақтылы әрі толық көлемде орындалуда. Шегіртке зиянкестеріне қарсы жүргізіліп жатқан қорғаныс іс-шараларының орындалуын бақылау мақсатында қазіргі уақытта Агроөнеркәсіптік кешендегі мемлекеттік инспекция комитетінің басшылығы Қарағанды, Алматы және Жетісу облыстарында жұмыс істеуде. Аумақтық инспекциялардың басшыларымен бірлесіп өңдеу жүргізілген алқаптарға тексеру жүргізілді. Биыл 2,2 млн гектар алқапқа химиялық өңдеу жүргізу жоспарланған. Бұл 2024 жылмен салыстырғанда 30%-ға аз. Мұндай нәтижеге Үкіметтің қолдауымен жүзеге асырылған кешенді жұмыстардың және өсімдіктерді қорғау жүйесін жетілдіру бағытында қабылданған шаралардың арқасында қол жеткізілді. Атап айтқанда, қызметтерді сатып алудың […]

Қазақстан Республикасы Ауыл шаруашылығы министрінің тапсырмасына сәйкес, Агроөнеркәсіптік кешендегі мемлекеттік инспекция комитетінің төрағасы Сәкен Қаныбеков ведомстволық бағынысты ұйымдардың басшыларымен бірге «С. Сейфуллин атындағы Қазақ агротехникалық зерттеу университеті» КЕАҚ-ға барды. Жұмыс кездесудің мақсаты — жоғары оқу орнының ғылыми-зерттеу қызметімен, сондай-ақ жоғары технологиялық зертханалық сынақтар жүргізу мүмкіндіктерімен егжей-тегжейлі танысу. Ауыл шаруашылығы өнімдерінің сапасын анықтау және аурулар мен зиянкестердің жасырын түрлерін анықтау әдістеріне ерекше назар аударылды. Кездесу аясында қатысушылар Seifullin University-дің мамандандырылған агротехнопаркінің жұмысымен танысты. Бұл орталық жобаларды ғылыми-зерттеу және тәжірибелік-конструкторлық жұмыстар (ҒЗТКЖ) кезеңінен бастап коммерцияландыруға дейін толық сүйемелдеуді қамтамасыз ете отырып, озық агротехнологияларды пилоттық енгізу мен демонстрациялауда басты рөл атқарады. Агротехнопарк қызметі технологиялық тәуекелдерді азайтуға және инновациялық шешімдерді зертханалардан тікелей өндіріске тасымалдауды […]

Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Жамбыл облысы бойынша аумақтық инспекциясы еліміздің аумағына карантиндік зиянкестермен залалданған жеміс өнімдерін кіргізуге жол бермеді. «Қордай» автомобиль өткізу бекетінде жүргізілген фитосанитариялық бақылау барысында Қырғыз Республикасынан келген автокөлік құралдарынан қауіпті карантиндік нысандар анықталды.Атап айтқанда, салмағы 800 келі болатын жаңа піскен алхоры партиясынан Комсток сымыры анықталды. Ал жалпы салмағы 1 450 келіні құрайтын шие жемісінен азиялық жеміс шыбыны табылды. Аталған карантиндік зиянкестер ауыл шаруашылығына елеулі қауіп төндіреді. Олар таралған жағдайда жеміс дақылдарын зақымдап, еліміздің бау-бақша шаруашылықтарына айтарлықтай залал келтіруі мүмкін. Фитосанитариялық бақылау нәтижесінде залалданған өнімдердің барлығы қауіпті деп танылып, кері қайтарылды.Құқық бұзушыларға қатысты әкімшіліктік шара қолданылып, айыппұл салынды. Агроөнеркәсіптік кешендегі мемлекеттік инспекция комитеті еліміздің […]

Өңірлерде шегіртке зиянкестеріне қарсы химиялық өңдеу жұмыстары жалғасуда. 29 маусымдағы жағдай бойынша болжанған 2,2 млн гектардың 1,5 млн гектары немесе 70%-ы өңделді. Егіс алқаптарын қорғау жұмыстары уақтылы әрі толық көлемде жоспарға сәйкес жүргізілуде. Қазіргі уақытта ҚР АШМ АӨК-дегі Мемлекеттік инспекция комитетінің басшылығы Атырау және Маңғыстау облыстарында іс шаралар барысын бақылау жұмыстарын қолға алуда. Биыл 2,2 млн гектар алқапты өңдеу жоспарланған. Бұл – 2024 жылмен салыстырғанда 30%-ға аз. Мұндай нәтижеге Үкіметтің қолдауымен жүргізілген кешенді жұмыстардың және өсімдіктерді қорғау жүйесінің едәуір жетілдірілуінің арқасында қол жеткізілді. Атап айтқанда, қызметтерді сатып алудың бірыңғай жүйесі енгізіліп, соның нәтижесінде сатып алу үдерістері орталықтандырылып, бюджет қаражатын пайдалану тиімділігі артты. Сондай-ақ желдеткіш бүріккіштердің өнімділік нормасы қайта қаралып, 100 […]

Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті «Сыбайлас жемқорлықтың алдын алу және оған қарсы іс-қимыл» №4 ҮҮБ жобаларын орындау жөніндегі нұсқаулыққа сәйкес 2026 жылғы 3 шілдеде сыбайлас жемқорлық тәуекелдеріне ішкі талдау нәтижелерін жария талқылауды өткізуді жоспарлағанын хабарлайды.  Жария талқылауға қатысу бойынша ұсыныстар мен өтінімдер «Е-Өтініш» АЖ және bektursyn.zh@minagri.gov.kz. электрондық поштасы арқылы қабылданады. Байланыс телефоны — 8 (7212) 42-08-00

Мемлекет басшысының АӨК-ті кешенді түрде дамыту және азық-түлік қауіпсіздігін нығайту жөніндегі тапсырмаларын жүзеге асыру шеңберінде Үкімет ауыл шаруашылығы алқаптарын шегіртке зиянкестерінен қорғау жұмыстарын жалғастыруда. Ауыл шаруашылығы министрлігінің деректері бойынша бүгінгі таңда химиялық өңдеу 1,3 млн гектар алқапта жүргізілген, бұл – биылға межеленген жұмыстардың жалпы болжамды көлемінің 62%-ы. Қорғау іс-шаралары фитосанитариялық мониторинг нәтижелері негізінде жүзеге асырылуда. Өңдеу жұмыстары зиянкестердің таралу ошақтары анықталған және зиянды салдары экономикалық шегіне жеткен кезде жүргізіледі, бұл қабылданатын шаралардың тиімділігін арттыруға және бюджет қаражатын ұтымды пайдалануға мүмкіндік береді. ​Қазіргі уақытта ауыл шаруашылығы аумақтарын зерттеу бүкіл еліміз бойынша жүргізілуде. Мониторинг және қорғау іс-шараларына 3,5 мыңға жуық маман жұмылдырылды. ​Барлық өңірлер пестицидтердің жеткілікті қорымен және қажетті техникалық құралдармен қамтамасыз […]

Өңірге жұмыс сапары барысында Ауыл шаруашылығы вице-министрі Ермек Кенжеханұлы «Фитосанитария» РМК облыстық карантиндік зертханасының қызметімен, ПТР-зертхананың жұмысымен және өндірістік жұмыстардың ұйымдастырылуымен танысты. Диагностикалау үдерісінің жеделдігі, жүргізілетін зерттеулердің сапасы және мекеменің материалдық-техникалық базасын нығайту мәселелеріне ерекше назар аударылды. Сондай-ақ Ермек Кенжеханұлы шегіртке зиянкестеріне қарсы жүргізіліп жатқан күрес шараларының барысын тексерді. Аумақтық инспекция, Фитосанитариялық диагностика және болжамдар жөніндегі республикалық әдістемелік орталық, сондай-ақ химиялық өңдеу жұмыстарын жүзеге асыратын ұйымдар өкілдерінің қатысуымен өткен көшпелі жұмыс кеңесінде фитосанитариялық ахуал, шегірткелердің таралуына жүргізілген мониторинг нәтижелері, мекемелер арасындағы өзара іс-қимыл және зиянкестер ошақтарына жедел әрекет ету мәселелері қаралды. Кеңес қорытындысы бойынша алдын алу шараларын күшейту, қолданылатын препараттар мен өңдеу технологияларының тиімділігін арттыру қажеттігі атап өтілді. Сондай-ақ фитосанитариялық […]