Қарағанды облысы аумағына Нидерланды елінен әкелінген 2770 дана эустома гүлдеріне карантиндік фитосанитарлық сараптама қорытындысына сәйкес, карантиндік объект — батыс гүл трипсі (frankliniella occidentalis) анықталуы бойынша әкімшілік құқық бұзушылық туралы кодекстің 400-бабының 2-бөлігіне сәйкес сот шешімімен айыппұл салынды. Карантиндік объектімен залалданған өнім арнайы комиссия мүшелері қатысуымен өртеу әдісі арқылы жойылды.

Қарағанды облысы аумағына Эквадор елінен әкелінген 5000 дана раушан гүлдеріне карантиндік фитосанитарлық сараптама қорытындысына сәйкес, карантиндік объект — батыс гүл трипсі (frankliniella occidentalis) анықталуы бойынша әкімшілік құқық бұзушылық туралы кодекстің 400-бабының 2-бөлігіне сәйкес сот шешімімен айыппұл салынды. Карантиндік объектімен залалданған өнім арнайы комиссия мүшелері қатысуымен өртеу әдісі арқылы жойылды.

2026 жылғы 2 сәуірде Әдеп жөніндегі уәкілдің жұмыс жоспарына сәйкес, Комитет төрағасының орынбасары Саят Сарқытбайұлының төрағалығымен, Әдеп жөніндегі уәкіл Аманжол Мырзаханұлының ұйымдастыруымен кеңейтілген жиын өтті. Шараға арнайы шақыртумен Қазақстан мұсылмандары діни басқармасының Төрағасы, Бас мүфти Наурызбай қажы Тағанұлының кеңесшісі Смайыл Сүйерқұлұлы қатысып, түсіндіру жұмыстарын жүргізді. Жиын барысында қарастырылған негізгі мәселелер:-Мемлекеттік аппараттың бейтараптылығы: Қызметкерлердің діни бірлестіктердің қызметіне тартылуына жол бермеу және ұстанымдардың тәуелсіздігін сақтау.-Ресми мінез-құлық қағидалары: Әдеп кодексінің талаптарына сай іскерлік этикетті ұстану және лауазымдық міндеттерді мүлтіксіз орындау.-Жауапты тұлға бейнесі: Мемлекеттік қызметшінің қоғам алдындағы абыройын қалыптастыру, адалдық пен парасаттылық құндылықтарын насихаттау. Жиын соңында қатысушылар Әдеп кодексінің нормаларын қатаң сақтауға және мемлекеттік қызметтің мәртебесін асқақтатуға шақырылды. Түсіндіру жұмыстарын жүргізген Смайыл Сүйерқұлұлына және […]

Комитет төрағасы С. Қаныбеков аумақтық инспекциялар мен ведомстволық бағынысты ұйымдардың қатысуымен онлайн-кеңес өткізді. Кеңесте шегіртке зиянкестеріне қарсы қорғау іс-шараларына дайындықтың ұйымдастырушылық мәселелері талқыланды. Шегірткелердің таралу ошақтарына дер кезінде және сапалы мониторинг жүргізуді ұйымдастыру, сондай-ақ зиянкестер жайлаған алқаптарды тиімді өңдеу қажеттілігі туралы тапсырмалар берілді. Халықты химиялық өңдеу жүргізілетін орындар мен уақыты туралы хабардар ету қажеттігі атап өтілді. Сыбайлас жемқорлыққа қарсы іс-қимыл мәселелеріне ерекше назар аударылды. Төраға алдын алу шараларын күшейту, әдеп нормаларын сақтау және мемлекеттік функцияларды орындау бойынша нұсқаулар берді. Заңнаманы қатаң сақтаудың және аумақтық бөлімшелердің қызметінде кез келген сыбайлас жемқорлық тәуекелдерін болдырмаудың маңыздылығы атап өтілді.

Комитет төрағасы С. Қаныбеков аумақтық инспекциялармен фитосанитариялық қауіпсіздікті қамтамасыз ету және экспорттық мүмкіндіктерді кеңейту бойынша ағымдағы міндеттерге арналған жұмыс кеңесін өткізді. Импорттық бақылауды талқылау аясында Қазақстан Республикасының фитосанитариялық қызметі тарапынан бүгінгі таңда ешқандай шектеулер жоқ екені және азық-түлік мақсатына арналған астықты штаттық режимде әкелуге рұқсат етілгені ресми түрде расталды. Сонымен қатар, аумақтық бөлімшелерге жемдік өнімдерді азық-түлік тауары ретінде әкелу фактілерін жедел тіркеп отыру және бұл туралы белгіленген тәртіппен басшылықты дереу хабардар ету тапсырылды. Фитосанитариялық бақылау мәселелерімен қатар, кеңесте 2026 жылғы маусымдағы шегіртке тектес зиянкестерге қарсы күрес жөніндегі алдағы іс-шараларға дайындық барысы қаралды. Кездесу барысында Қытай Халық Республикасына ауыл шаруашылығы өнімдерін экспорттау мәселесі де қаралды. Комитет төрағасы қызметтік әдеп мәселелеріне ерекше […]

Қазақстан Республикасы мен Ресей Федерациясы арасындағы екіжақты іс-қимыл аясында шекаралас аумақтарда шегіртке зиянкестерінің таралуын болдырмау мақсатында 2026 жылға арналған бірлескен іс-шаралар жоспарын әзірлеу және оған қол қою туралы уағдаластыққа қол жеткізілді. Мұндай шешім ҚР АШМ АӨК мемлекеттік инспекция комитеті мен РФ АШМ өкілдерінің қатысуымен өткен кеңес қорытындысы бойынша қабылданды. Жиын барысында ағымдағы фитосанитариялық жағдай мәселелері, сондай-ақ мониторинг жүргізу, үйірлі шегірткелерінің ошақтарын дер кезінде анықтау және қорғау шараларын жүзеге асыру бағытындағы өзара іс-қимылды күшейту тетіктері қаралды. Екі елдің бейінді қызметтерінің жұмысын үйлестіруге және вегетациялық кезеңде жедел ақпарат алмасуды ұйымдастыру мәселелеріне ерекше назар аударылды. Жоспарды іске асыру тараптар іс-қимылдарының үйлесімділігін қамтамасыз етуге, жүргізілетін қорғау шараларының тиімділігін арттыруға, шегіртке зиянкестерінің таралу қаупін барынша […]

2026 жылдың басынан бері ҚР АШМ АӨК-тегі мемлекеттік инспекторлар өсімдіктер карантині саласындағы заңнама талаптарының бұзылуы бойынша үшінші елдерден еліміз аумағына карантинге жатқызылған өнімдерді әкелу кезінде 145 деректі анықтады. Карантиндік фитосанитариялық бақылау жүргізу барысында белгіленген талаптарға сәйкес келмейтін өнімдерді әкелу әрекеттерінің жолы кесілді. Заңбұзушылықтардың негізгі себептері фитосанитариялық сертификаттардың болмауы, карантиндік объектілердің анықталуы, сондай-ақ белгіленген фитосанитариялық нормалардың сақталмауы болды. Тексерулер қорытындысы бойынша өсімдіктер карантині саласындағы заңнаманы бұзуға жол берген тұлғалар әкімшілік жауапкершілікке тартылды. Жүргізіліп жатқан жұмыс елдің фитосанитариялық қауіпсіздігін қамтамасыз етуге, карантиндік объектілердің енуі мен таралуының алдын алуға, сондай-ақ ауыл шаруашылығы өндірісін қорғауға бағытталған.

Food and Agriculture Organization (ФАО) штаб-пәтерінде фитосанитариялық қауіпсіздік мәселелері мен өсімдіктерді қорғау саласындағы халықаралық ынтымақтастықты дамытуға арналған 20-сессия өтті. Қазақстан атынан іс-шараға ҚР Ауыл шаруашылығы министрлігі Агроөнеркәсіптік кешендегі мемлекеттік инспекция комитеті төрағасының орынбасары Саят Сақмолдин қатысты. Іс-шараның негізгі мақсаты – өсімдік өнімдерін қорғауды күшейтуге бағытталған шараларды талқылау және тиісті шешімдер қабылдау. Қатысушы елдердің өкілдері Халықаралық фитосанитариялық шаралар стандарттарын әзірлеу және жетілдіру мәселелерін қарастырды. Оның ішінде қолданыстағы стандарттарды қайта қарау жобалары мен жаңа қосымшаларды әзірлеу мәселелері талқыланды. Саят Сақмолдин Қазақстанның бұл сессияға қатысуы елдегі фитосанитариялық қауіпсіздік жүйесін одан әрі дамыту үшін маңызды екенін атап өтті. «Халықаралық ынтымақтастық ауыл шаруашылығының тұрақты дамуын қамтамасыз етуде және өсімдік өнімдерінің қауіпсіз саудасын дамытуда маңызды рөл […]

Агроөнеркәсіптік кешендегі мемлекеттік инспекция комитетінде С. Қаныбековтың төрағалығымен сыбайлас жемқорлыққа қарсы күресті күшейтуге арналған жиын өтті. Кездесу қорытындысы бойынша бейнебақылау жүйелерінің мониторингін күшейту және анықталған барлық фактілер бойынша жедел шаралар қабылдау тапсырылды. Сыбайлас жемқорлық құқық бұзушылықтарды жасағаны үшін қолданыстағы заңнамаға сәйкес дербес жауапкершілік қарастырылғаны, ал кінәлі тұлғалардың тікелей басшылары тәртіптік жауапкершілікке тартылатыны ерекше атап өтілді.

Ауыл шаруашылығы министрлігінде Агроөнеркәсіптік кешендегі мемлекеттік инспекция комитетінің өкілдері мен аумақтық инспекциялардың қатысуымен фитосанитариялық қауіпсіздікті қамтамасыз ету мәселелеріне арналған кеңес өтті. Ауыл шаруашылығы вице-министрі Ермек Кенжеханұлы фитосанитариялық қауіпсіздік – аграрлық сектордың тұрақты дамуына және елдің азық-түлік қауіпсіздігін қамтамасыз етуге тікелей әсер ететін стратегиялық бағыттардың бірі екенін атап өтті. Кеңес барысында шегірткеге қарсы күрес шараларын жүргізуге дайындық мәселелері қаралды. Атап айтқанда, жоспарланған химиялық өңдеулер көлемі, арнайы техниканың дайындық жағдайы, жұмыртқа қабаттарын анықтау және қазу жұмыстарын жүргізу мерзімдері, сондай-ақ зиянкестердің таралуын жүйелі бақылау жүйесін ұйымдастыру мәселелері талқыланды. Осы жылдың болжамына сәйкес, шоғырланған шегірткеге қарсы химиялық өңдеулер жүргізілетін алаң көлемі 2,2 млн га болады, бұл өткен жылғы көрсеткіштен 0,5 млн га кем.Жоспар бойынша […]