Осы бағытта жұмыстар 2022 жылғы 2 ақпандағы ҚР Президентінің Жарлығымен бекітілген Қазақстан Республикасының сыбайлас  жемқорлыққа қарсы саясатының 2022-2026 жылдарға арналған тұжырымдамасын бекіту және ҚР «Сыбайлас жемқорлыққа қарсы күрес туралы», «Мемлекеттік қызмет туралы» заңдарының талаптарын ескере отырып 2015-2025 жылдарға сыбайлас жемқорлыққа қарсы іс-қимыл бойынша шаралардың жоспарымен бекітілді.

2025 жылдың 1-жартыжылдығында сыбайлас жемқорлыққа қарсы іс-қимыл шаралары бойынша облыстық, қалалық және аудандық аумақтық инспекцияларында 711 іс-шара өткізілді: 482 құқықтық жалпыға бірдей оқыту, «дөңгелек үстел» үлгісінде 56 шара, 68 семинар-кеңес өткізіліп, бұқаралық ақпараттық құралдарына 105 басылымдар жарияланды.

Облыстық аумақтық инспекциясында өсімдіктерді қорғау, өсімдіктер карантині, астық және асыл тұқымды мал шаруашылығы салалары бойынша дәстүрлі семинарларға, біздің бағыттағы заңнамалардың сақталуы жөнінде түсіндірме беретін прокуратураның және Қазақстан Республикасы Сыбайлас жемқорлыққа қарсы  іс-қимыл агенттігінің (Сыбайлас жемқорлыққа қарсы  қызмет) Қарағанды облысы бойынша департаментінің өкілдері міндетті түрде шақырылады.

Қазақстан Республикасының мемлекеттік қызмет, сыбайлас жемқорлыққа қарсы және Әдеп кодесінің талаптарын сақтау жөніндегі заңнамасына түсіндіру бойынша Қарағанды облысының кәсіпкерлік палатасының, «Жаңару» жемқорлыққа қарсы жалпы ұлттық қозғалыс Республикалық қоғамдық бірлестігінің Қарағанды облысы бойынша филиалының өкілдерінің қатысуымен әртүрлі ведомствоның лауазымдық тұлғалармен пара алу фактілері бойынша бейнематериалдарды көрсетуімен семинарлар өткізілді.

ОАИ басшысының 2021 жылғы 6 қаңтардағы  № 4 бұйрығымен Сыбайлас жемқорлыққа қарсы стандарт бекітілді. Қазақстан Республикасы Сыбайлас жемқорлыққа қарсы  іс-қимыл агенттігінің (Сыбайлас жемқорлыққа қарсы  қызмет) Қарағанды облысы бойынша департаментінің келісімен 01.04.2021 жылғы Қоғамда сыбайлас жемқорлыққа қарсы мәдениетті қалыптастыру мәселесі бойынша Меморандум туралы ашық келісімге қол қою жөніндегі актіге қол қойылды.

Өсімдіктер карантині жөніндегі мемлекеттік инспекторларымен лауазымдық міндеттемелерді атқару барысында кәсіпкерлік субъектілермен тікелей байланыс болғандықтан сыбайлас жемқорлыққа қарсы мониторинг нәтижесінде жоғары сыбайлас жемқорлық тәуекелдің аймағы өсімдіктер карантині және фитосанитариялық бақылау бекеттері жөніндегі мемлекеттік иснпекция бөлімінде табылды. Сондықтан өсімдіктер карантині және фитосанитариялық бақылау бекеттері жөніндегі мемлекеттік инспекция бөлімімен сыбайлас жемқорлық құқық бұзашылық болдырмау бойынша шаралар қолданылды: қызметалушылардың өтінішін қабылдауға және қорытындыларын беруге «бір терезе қағидасы» ұйымдастырылды. Облыстық, қалалық және аудандық аумақтық инспекцияларының қызметтеріндегі сыбайлас жемқорлықтарды болдырмауға барлық шараларды қолдану бойынша жұмыс жалғастыруда және азаматтардың құқықтық мәдениетін арттыру мен құқықтық ағартуына жеткілікті назар аударылуда.

ОАИ басшысының бұйрығымен құрылған арнайы жұмыс тобымен облыстық, қалалық және аудандық аумақтық инспекцияларының қызметтеріндегі сыбайлас жемқорлықтың тәуекелдеріне ішкі талдау жүргізілді, оның қорытындылары жөнінде сыбайлас жемқорлық тәуекелдерін азайту бойынша Мемлекеттік инспекция комитетіне нақтылы ұсыныстар жолданды.

Облыстық, қалалық және аудандық инспекцияларының «Сенім телефондары» бұқаралық ақпараттық құралдарына ай сайын жарияланады.

Көрсетілетін мемлекеттік қызмет туралы ақпараттарымен, жоғарғы органдарының электронды мекен-жайы мен сенім телефондарымен стенділер, сыбайлас жемқорлықтық қарсы бойынша атқарылып жатқан шаралар жөнінде стенділер барлық аумақтық инспекциялардың ғимараттарында орналастырылды, азаматтардың өтініштері мен арыздарына арналған жәщік орнатылды.

Сыбайлас жемқорлыққа қарсы іс-қимыл жөніндегі барлық тапсырмалар (бұйрықтар, хаттар, хаттамалар) айрықша бақылауға және мүлтіксіз орындауға алынады.

2025 жылдың 1-жартыжылдығында  облыстық, қалалық және аудандық аумақтық инспекцияларының әкімшілік мемлекеттік қызметкерлер арасында сыбайлас жемқорлық құқықбұзушылықтар мен қылмыстар орын алған жоқ.